Sumarönnin 2020 heldur áfram í júní og júlí.

Frönskunámskeiðin eru skipulögð samkvæmt hinum sex stigum CECRL (Evrópski viðmiðunarramminn fyrir tungumálakunnáttu), frá byrjendastigi (A1) upp á efsta stig (C2). Þau gera nemendum kleift að öðlast, rifja upp og festa í sessi hin fjögur hæfnistig tungumálsins: Ritun og lesskilning, munnlega tjáningu og skilning á töluðu máli. Kennsluaðferðirnar gera ráð fyrir virkni og þátttöku og eru fjölbreyttar. Tvenns konar fyrirkomulag er í boði: tvisvar sinnum 1,5 klukkustundir í viku eða einu sinni 2 klukkustundir í viku.

Til að skrá sig, smella á það stig sem óskað er eftir.

Byrjendur skulu skrá sig á stig A1.

Nemendur sem hafa einhverja kunnáttu í frönsku taka stöðupróf í frönsku og í framhaldi skrá sig á það stig sem mælt er með.

Að uppgötva frönsku

Fyrstu kynni af tungumálinu

Nemendur geti skilið og notað almennar og einfaldar setningar um daglegt lif til að geta bjargað sér í einföldum aðstæðum. Þeir geti kynnt sig, kynnt aðra og spurt spurninga til baka (t.d. að spyrja hvar einhver býr, um vini einhvers, um eigur fólks o.s.fv.). Nemendurnir geti líka svarað þessum spurningum. Þeir geti tekið þátt í einföldum samræðum ef hinn aðilinn er reiðubúinn að endurtaka eða umorða hluti hægt og hjálpa þeim að koma orðum að því sem þeir eru að reyna að segja.

​Frönskunámskeið fyrir byrjendur (A1)
þriðjudaga, kl. 17:30-19:30

Nemendur læra að kynnast sig, að tala um sig og um umhverfið sitt, að spyrja einfaldra spurninga o.s.fv. Þetta námskeið er fyrir þá sem hafa aldrei lært frönsku áður.

14 klukkustundir
Alm. verð 28.000 kr.
(26.600 kr. fyrir 12/06)

Að taka framförum í frönsku

Millistig og notkun tungumálsins

Nemendur geti skilið setningar og algeng orð sem tengjast þeim persónulega (t.d. persónulegar upplýsingar um sig og fjölskyldu sína, innkaup, nánasta umhverfi og atvinnu). Þeir geti tjáð sig um einföld og fastmótuð verkefni sem þarfnast einfaldra og beinna tjáskipta um efni sem þeir þekkja. Þeir geta myndað nokkrar setningar til þess að geta sagt frá umhverfi og menntun eða til þess að geta spurt og fengið það sem þeir þurfa.

​Frönskunámskeið á millistigi (A2/B1)
miðvikudaga, kl. 17:30-19:30

Nemendur læra hvernig á að tala um smekk sinn og skoðanir, að gefa jákvætt eða neikvætt álit, að tala um minningar, að spyrja um nánari upplýsingar og að skilja gefnar upplýsingar o.s.fv.

12 klukkustundir
Alm. verð 24.000 kr.
(22.800 kr. fyrir 12/06)

Að efla frönsku sína

Sjálfbjarga á tungumálinu

Nemendur geti skilið aðalatriði venjulegs talmáls um efni sem þeir þekkja og tengist vinnu þeirra, skóla, frístundum o.s.fv. Þeir geta tekist á við flestar aðstæður sem geta komið upp á ferðalagi um svæði þar sem málið er talað. Þeir geta óundirbúnir tekið þátt í samræðum um efni sem þeir þekkja, hafa áhuga á eða tengist daglegu lífi. Þeir geti sagt frá viðburði eða upplifun, lýst von eða markmið og líka gefið upplýsingar og útskýrt hvað þeir hafa fyrir stafni eða hugmyndir sínar.

Frönskunámskeið fyrir lengra komna (B2/C1)
fimmtudaga, kl. 17:30-19:30

Námskeiðið B2/C1 gefur nemendum tækifæri á að rifja upp og að læra nýja þekkingu: tileinka sér nýungar, að taka þátt í samræðu, að setja fram tilgátu, að segja frá liðinni tíð, o.s.fv.

14 klukkustundir
Alm. verð 28.000 kr.
(26.600 kr. fyrir 12/06)