"Spjall við Tahar Ben Jelloun" / Rencontre avec Tahar Ben Jelloun"

Alliance francaise býður þér hér með á "Spjall við Tahar Ben Jelloun" mánudagskvöldð 8. apríl kl. 20:30. Þar mun marokkóski rithöfundurinn Tahar Ben Jelloun fjalla um eigin verk og svara spurningum Friðriks Rafnssonar, en þýðing hans á bók Ben Jelouns, Kynþáttafordómar, hvað er það pabbi? er nýkomin út. Samtalið fer fram á frönsku en því verður snarað á íslensku jafnharðan. Ennfremur mun höfundurinn svara spurningum samkomugesta.Aðgangur er ókeypis og allir eru velkomnir meðan húsrúm leyfir. Meðfylgjandi er viðhengi með fréttatilkynningu og fróðleik um Tahar Ben Jelloun, sem er einn merkasti höfundur franskrar tungu nú um stundir og ötull baráttumaður
gegn misrétti og fordómum hverskonar.

L'Alliance française a le plaisir de vous inviter à une" Rencontre avec Tahar Ben Jelloun" le lundi 08 avril à 20h30 dans les locaux de l'Alliance française Hringbraut 121 3 hæð. L'écrivain marocain francophone de renommée internationale présentera son oeuvre et répondra aux questions de F. Rafnsson. L'entretien sera mené en français et traduit en islandais .
Fridrik Rafnsson est le traducteur de l'un des derniers ouvrages de Tahar Ben Jelloun paru récemment en Islande " Le racisme expliquée à ma fille ".
Une conférence , traduite par Torfi Tulinius aura également lieu dans le bâtiment principal de l'université dans le cadre d'une collaboration avec l´Institut Vigdis Finnbogadottir des Langues étrangères et l'Ambassade de France le mardi 9 avril à 17 heures sur le thème des différences culturelles entre le monde arabe et le monde occidental.

Plus d'informations sur l'auteur
http://www.refer.org/maroc_ct/tur/littera/tahar1.htm



FRÉTTATILKYNNING


Marokkóski rithöfundurinn Tahar Ben Jelloun, einn þekktasti höfundur hins frönskumælandi heims, í Alliance française

Mánudaginn 8. apríl næstkomandi fjallar Tahar Ben Jelloun um höfundarverk sitt fyrr og nú undir yfirskriftinni “Spjall við Tahar Ben Jelloun”. Þar ræðir höfundurinn um verk sín og svarar spurningum Friðriks Rafnssonar, en íslensk þýðing hans á bókinni “Kynþáttafordómar - hvað er það pabbi?” er nýkomin út hjá Máli og menningu.
Tahar Ben Jelloun er fæddur og uppalinn í Marokkó, en hann hefur búið í Frakklandi undanfarin þrjátíu ár og skrifar á frönsku þótt móðurmál hans sé arabíska. Hann hefur nú sent frá sér tíu skáldsögur, nokkrar ljóðabækur, bækur af sjálfsævisögulegum toga, ritgerðir, viðtalsbækur og greinasöfn. Auk þess hefur hann um árabil skrifað greinar og pistla í franska stórblaðið Le Monde. Tvær bóka hans hafa öðrum fremur náð almenningshylli. Þær eru skáldsagan Heilög nótt (1987), sem færði honum hin virtu frönsku Goncourtverðlaun, fyrstum arabískra höfunda, og samtalsbók sem nýkomin er út á íslensku Kynþáttafordómar, hvað er það pabbi? (1998), en báðar þessar bækur hafa orðið metsölubækur víða um heim. Sú síðanefnda er nú komin út á tæplega þrjátíu þjóðtungum og þykir taka einkar nærfærnislega á viðkvæmu málefni. Nýjasta bók hans nefnist “Islamstrú skýrð fyrir börnum”, en hún kom út í janúarmánuði s.l..
Hann hefur hlotið margvíslegar viðurkenningar, var til dæmis útnefndur velgjörðarsendiherra hjá UNESCO í fyrra, á sama tíma og Vigdís Finnbogadóttir fyrrverandi forseti Íslands, auk þess sem hann hefur nokkrum sinnum verið orðaður við Nóbelsverðlaunin í bókmenntum.
Tahar Ben Jelloun ræðir verk sín í húsakynnum Alliance française, Hringbraut 121, 3hæð, klukkan 20:30 mánudaginn 8. apríl. Rabbið fer fram á frönsku, en verður túlkað á íslensku.
Daginn eftir, þriðjudaginn 9. apríl klkukkan 17:15 verður hann með fyrirlestur í hátíðarsal H.Í. undir yfirskriftinni “Menningarheimur Vesturlanda og Araba” í boði Heimspekideildar Háskóla Íslands og Stofnunar Vigdísar Finnbogadóttur í erlendum tungumálum. Hann flytur erindið á frönsku og það verður túlkað jafnóðum á íslensku.
Aðgangur er ókeypis og öllum opinn meðan húsrúm leyfir.
Tahar Ben Jelloun kemur hingað í boði Sendiráðs Frakklands á Íslandi og Máls og menningar, og heldur fyrirlestrana í samstarfi við Alliance française, Heimspekideild Háskóla Íslands og Stofnun Vigdísar Finnbogadóttur í erlendum tungumálum.
Allar nánari upplýsingar veitir Friðrik Rafnsson (s. 5525605; GSM 8995604) og Alliance française, s. 5523870. Þeir fjölmiðlar sem óska eftir viðtali við höfundinn eru beðnir að hafa samband sem fyrst, en hann verður aðeins til viðtals fyrripart á mánudag.
Meðfylgjandi er ljósmynd af höfundinum, en AF getur útvegað greinar um hann á íslensku og ensku.





L'Alliance française a le plaisir de vous inviter à une" Rencontre avec Tahar Ben Jelloun" le lundi 08 avril à 20h30 dans les locaux de l'Alliance française Hringbraut 121 3 hæð. L'écrivain marocain francophone de renommée internationale présentera son oeuvre et répondra aux questions de F. Rafnsson. L'entretien sera mené en français et traduit en islandais .
Fridrik Rafnsson est le traducteur de l'un des derniers ouvrages de Tahar Ben Jelloun paru récemment en Islande " Le racisme expliquée à ma fille ".
Une conférence , traduite par Torfi Tulinius aura également lieu dans le bâtiment principal de l'université dans le cadre d'une collaboration avec l´Institut Vigdis Finnbogadottir des Langues étrangères et l'Ambassade de France le mardi 9 avril à 17 heures sur le thème des différences culturelles entre le monde arabe et le monde occidental.