Alþjóðlegi minjadagurinn

Á þessu ári verður viðburðurinn haldinn 27. október 2007 sem hluti af alþjóðadegi hljóð- og sjónminja, en dagurinn var stofnaður af UNESCO til að vekja almenning í heiminum til vitundar um vandamálið varðandi vörslu hljóð- og sjónminja, raunverulegra minninga frá okkar tímum.
“Les 24 heures de la télé” (24 klst. sjónvarpsins), er tækifæri til að grannskoða safn franska sjónvarpsins og njóta ógleymanlegra stundir með því að horfa á samantekt sem er 1 klst og 20 mín. að lengd. Í henni er blandað saman hrífandi, fyndnum eða undraverðum senum úr heimi íþrótta, stjórnmála, tónlistar, þjóðfélags, er koma frá “L´institut national de l´audiovisuel” (Þjóðarstofnun varðandi útvarp og sjónvarp).
Meðal áhugaverðs efnis má nefna tónleika Rostropovitch við Berlínarmúrinn, fyrsta viðtalið við Jacques Chirac, Jacques Brel syngjandi Amsterdam, erfiðleika Johnny Hallyday í París-Dakar rallýinu, viðtal við John F. Kennedy fyrir forsetakosningarnar og hina magnþrungnu spennu í vítaspyrnunum í leiknum milli Frakklands og Brasilíu í heimsmeistarkeppninni árið 1986....

Aðgangur á þessari sýningunni er ókeypis, sætafjöldi er takmarkaður. Þess vegna biðjum við þau ykkar sem vilja panta sæti að hringja í okkur í s. 552 3870 (á milli kl. 16:00 og 19:00) eða senda okkur tölvupóst (alliance@af.is)
 

Alliance francaise efnir til fyrirlestrar um einn mesta Íslandsvin allra tíma fimmtudaginn 20. september kl. 20:00 í húsakynnum félagsins að Tryggvagötu 8. Þá fjallar Friðrik Rafnsson um ferðir franska leiðangursstjórans Jean-Baptiste Charcot til Reykjavíkur á fyrri hluta síðustu aldar. Franski heimskautafarinn, leiðangursstjórinn og læknirinn Jean-Baptiste Charcot (1867– 1936) var einn þeirra merkismanna sem fyrstir könnuðu og kortlögðu haf- og landsvæðin umhverfis heimsskautin í byrjun síðustu aldar. Í byrjun þeirrar aldar stóð Charcot fyrir og stjórnaði tveimur leiðöngrum til að kanna suðurskautið, og hafði þar fyrstur Frakka vetursetu ásamt áhöfn sinni. Eftir fyrri heimsstyrjöldina stjórnaði hann síðan fjölmörgum þverfaglegum vísindaleiðöngrum á norðurslóðir, til Færeyja, Íslands, Jan Mayen og Grænlands.
Þekktasta skip hans var Pourquoi-Pas? – sérútbúið rannsóknaskip með þremur rannsóknastofum og bókasafni. Í ferðum þess voru gerðar margvíslegar vísindarannsóknir sem þykja stórmerkar enn þann dag í dag.
Þann 16. september 1936 lenti skip hans, Pourquoi pas?, í miklu og óvæntu óveðri út af Reykjanesi, hraktist upp í Borgarfjörð og fórst á Hnokka út af Álfanesi á Mýrum. Alls létust 40 manns, 23 fundust látnir, 17 var saknað og fundust aldrei og einn áhafnarmeðlimur komst lífs af.
Charcot og menn hans komu oft við hér á landi í leiðöngrum sínum á norðurslóðir. Hann eignaðist fjölmarga vini hér á landi og hélt góðu sambandi við þá allt þar til yfir lauk. Meðal annars varð hann góður vinur frú Þóru Friðriksson sem um árabil var forseti Alliance francaise og hann hélt oft fyrirlestra í félaginu þegar hann var staddur hér á landi. Strand Pourquoi pas? var því mikil sorgarfrétt á Íslandi á sínum tíma og til marks um það má nefna að þegar minningarsamkoma um hina látnu var haldin var öllum verslunum í Reykjavík lokað, og mun það vera einsdæmi að erlendum manni sé sýndur viðlíka sómi. Friðrik Rafnsson, þýðandi og forseti Alliance francaise, mun í erindi sínu rekja þessa sögu í stórum dráttum og sýna myndir úr ferðum hans sem ekki hafa áður verið sýndar hérlendis.
Aðgangur er ókeypis og öllum opinn, en fyrirlesturinn verður fluttur á frönsku og íslensku.