AF

Velkomin til Alliance française í Reykjavík

september 2004

Alliance française og Franska sendiráðinu er ánægja að bjóða ykkur á tónleika Tríós Givone (sveiflu og sígauna djass) og Bjarnar Thoroddsen á Nasa við Austurvöll, laugardaginn 11. september, kl. 21

Sjóðandi sígunasveifla Í REYKJAVÍK : TRIO GIVONE OG BJÖRN THORODDSEN

Næstkomandi laugardag, þann 11. sepember, kl. 21 á Nasa, verður boðið upp á ókeypis tónleika með Birni Thoroddsen og Givon tríóinu. Þar er á ferð eitt besta sveiflu- og sígauna- jazzband í Frakklandi nú um stundir. Þetta fransk-íslenska samstarf hófst fyrir tveimur vikum í borginni Nantes í Vestur-Frakklandi.
Björn T. og Givone tríóið héldu þá tvenna tónleika á einni þekktustu alþjóða jazzhátíð sem um getur og haldin er í bænum Erdre. Þangað komu þúsundir gesta og gagnrýnendur luku einróma lofsorði á tónleikana sem þar var boðið upp á hvort sem var fyrir gæði tónlistarinnar eða ágæti flytjenda.

Tónleikarnir sem hér verða haldnir eru samstarfsverkefni Alliance française og Jazzvakningar en einnig styður franska sendiráðið þennan viðburð sem er enn einn vitnisburður um vináttuböndin sem tengja Frakkland og Ísland. Daníel Givone stofnaði Givone tríóið árið 1997 ásamt bróður sínum og eiginkonu. Bæði faðir hans og afi léku á harmonikku og hann ólst upp við tónlist Djangos Reinhardt.
Tríóið gaf út sína fyrstu plötu "Flamme Gitane", árið 1998. Árið 2000 kom sú næsta "En chemin" og síðan "Rencontres", árið 2003. Tríóið hefur komið fram í Frakklandi og víða erlendis, m.a. í Evrópulöndum en þau hafa einnig átt í menningarsamskiptum við lönd eins og Japan og Nepal og nú eru þau á leið til Íslands.
Þau halda sig við sígaunasveifluna en hafa þó bætt á efnisskrána eigin tónsmíðum þar sem hvergi skortir á hljómgæði og hnitmiðaðar útsetningar eins og þeim einum er lagið.
Þau bjóða okkur upp á óhefta og kröftuga upplifun.

Tríóið samanstendur af Christine og Daníel Givone sem leika á gítar og Jean-Claude Givone sem leikur á bassa.

október 2004

Alliance française og Samfilm veitist sú ánæga að bjóða þér á forsýningu myndarinnar “Tveir bræður” sem sýnd verður í Kringlubíó í Kringlunni laugardaginn 2. október kl. 18.
Leikstjórinn Jean-Jacques Annaud verður viðstaddur og eftir sýninguna verða umræður þar sem hann situr fyrir svörum.

Myndin er með ensku tali og íslenskum texta.

Þið þurfið einungis að hafa samband við okkur til að panta miða á sýninguna.
Alliance française er opið alla virka daga frá kl.13.30 til kl.18 og laugardaga frá kl.13 til kl.16.

Alliance française býður til klassískra gítartónleika í Norræna húsinu föstudaginn 8.október. Flytjendur eru hinir heimsþekktu listamenn dúettsins “Duo Astor”, þau Francisco Bernier og Gaëlle Chiche sem hlotið hafa fjölda verðlauna. Þau leggja nú af stað í nýja tónleikaferð um heiminn og hefst hún í Reykjavík. Héðan halda þau til Bandaríkjanna svo til Kanada og þaðan til Mexíkó. Hápunktur tónleikaferðarinnar er upptaka breiðskífu þeirra ásamt “Berkeley Symphonic orchestra of San Francisco” undir stjórn Kent Nagano.

Tónleikarnir hefjast kl.20.00

Aðgangur er ókeypis.

Alliance Francaise á Íslandi, Háskóli Íslands og sendiráð Frakklands bjóða ykkur á fyrirlestur franska blaðamannsins og háskólakennarans Jacques Julliard: “Bandaríkin, Frakkland, Evrópa stormasöm vinátta”.
Fyrirlesturin verður haldinn í öskju, náttúrufræðahúsin Háskóla Íslands, stofu 132, þriðjudaginn 12.október kl 17:15. Hann verður á ensku.
Aðgangur er ókeypis og öllum opinn.

Bandaríkin og Frakkland hafa ævinlega snúið bökum saman þegar stórviðburðir hafa skekið mannkyssöguna og samband ríkjanna hefur oftastnær verið gott og náið, enda byggja þjóðirnar tilveru sína á svipuðu gildismati. Þó hefur stundum myndast vík milli vina. Sem dæmi um það má nefna að litlir kærleikar voru með de Gaulle og Roosevelt í síðari heimsstyrjöldinni, Frakkar drógu sig út úr NATO árið 1966 og Frakkar voru alfarið á móti innrás Bandaríkjamanna í Írak á síðasta ári.
Í erindinu fjallar Jacques Julliard um ástæðu þessara ólíku viðhorfa vinaþjóðanna til ýmissa mála, veltir fyrir sér stöðu Frakklands innan ESB annars vegar, og samskiptum ESB og Bandaríkjanna hins vegar. Hann dregur upp mynd af tveimur ólíkum sjónarmiðum sem snúst um misnáin tengsl Bandaríkjanna og Evrópu, sýnir framá að Bretar vilji hafa þau náin, en að Frakkland hallist að því að Evrópa haldi sig í vissri fjarlægð frá stórveldinu Bandaríkjunum.
Jacques Julliard (f. 1933) er þekktur blaðamaður og vinsæll bókahöfundur í Frakklandi og hinum frönskumælandi heimi almennt. Hann er aðstoðarritstjóri eins útbreiddasta fréttavikurits Frakklands, Le Nouvel Observateur, og skrifar vikulega pistla í það, auk þess sem hann hefur sent frá sér á þriðja tug bóka um samtímasögu, stjórnmál og stjórnmálaheimspeki, nú síðast um skort á stjórnmálaskörungum á vesturlöndum. Hann hefur ennfremur talsvert kennt við ýmsa franska háskóla og menntastofnanir í Frakklandi og víðar, m.a. við Princtonháskóla í Bandaríkjunum.
Hingað til lands kemur Jacques Julliard eftir að hafa haldið röð fyrirlestra víða í Bandaríkjunum nú í september og október um sama efni og hann fjallar um hér, m.a. í Harvard University Center for European Studies og City University of New York.

You can download the text in english (word document)

Margrét Sigfúsdóttir listmálari býður yður að vera viðstödd við opnun

sýningar sinnar "Óður til Íslands" í Hafnarborg, Hafnarfirði, Laugardaginn 16.

október nk. klukkan 15. Allar myndirnar sem sýndar eru voru málaðar í París.

Sýningin stendur yfir frá 16. október til 8. nóvember frá 11-18 daglega.

Lokað þriðjudaga.

Allar nánari upplýsingar er að finna á http://www.margretsigfusdottir.com

Alliance française Reykjavík og frönskudeild Háskóla Íslands bjóða til sýningar á myndinni « 24 klukkustundir úr sjónvarpinu : Stærstu stundir franska sjónvarpsins á stórum skjá », fimmtudaginn 21. október kl. 20, í stofu 132 í Öskju, hinu nýja náttúrufræðihúsi Háskóla Íslands.

Aðgangur er ókeypis á þessa einstæðu sýningu á stórum skjá en hún gefur tækifæri til að hverfa aftur í tímann og njóta, í hátt á aðra klukkustund, myndskeiða sem sum hver hafa ekki birst áður. Þessar upptökur, sem hrífa sannarlega áhorfendur, voru valdar úr safni Ina (Institut national de l’audiovisuel, þ.e. Frönsku ljósvakamiðlastofnuninni). Missið ekki af fyrstu skrefum fólks sem þótti efnilegt á ýmsum sviðum, svo sem 17 ára tennisstjörnunnar Yannick Noah eða hins 13 ára Frédéric Beigbeder. Mohammed Ali kom fram í þættinum Apostrophe, François Mitterand og Valéry Giscard d’Estaing áttust við í « Le monopole du cœur », Serge Gainsbourg og Brigit Bardot komu saman fram í sjónvarpi. Sjáið einnig Claude François, sem og Rolling Stones koma fram í fyrsta sinn í sjónvarpi í Frakklandi… Þetta er einstætt úrval af rúmlega 100 myndskeiðum sem enginn má missa af.

Lista yfir öll myndskeiðin er að finna á slóðinni : http://www.24heurestv.com/films/index.html

Kvikmyndaklúbbur Alliance française-Filmundur sýnir "herbergi galdrakvennanna” eftir Claude MILLER(1999)

Með Claude Miler, Mathilde Seigner, Annie Noel, Yves Jacques,..
Óendanleg doktorsritgerð í mannfræði, lítilfjörlegir foreldrar, giftur elskhugi… Claire er þrítug og kvelst af hræðilegum mígreniköstum. Hún hafnar að lokum á einkaklíník sálfræðings hennar, Dr. Fish, þar sem hún dvelst í einn mánuð í herbergi með Eléonore og Odette. Claire er gjörbreytt þegar hún losnar úr þessari þvinguðu sambúð…
Kvikmyndin er gerð eftir kafla úr skáldsögunni “Les Yeux Bandés”, eftir hina norsku Siri Hustvedt, eiginkonu Paul Auster.
Myndin verður sýnd í Háskólabíói, fimmtudaginn 28.10 kl. 22.15, sunnudaginn 31.10. kl. 18.00 og mánudaginn 01.11. kl. 20.00. Hún er með enskum texta.
Aðgangur er ókeypis fyrir meðlimi í Alliance française sem sýna félagsskírteini og persónuskilríki við innganginn.
http://www.allocine.fr/film/fichefilm_gen_cfilm=23682.html

Leikritið Héri Hérason (Lapin Lapin) var frumsýnt í Borgarleikhúsinu fyrir tveimur vikum og hefur hlotið frábærar undirtektir!

Stefán Jónsson og félagar hans hafa búið til listaverk. Elísabet Brekkan / DV

Brilljant Leikhús! Valgeir Skagfjörð / Fréttablaðið

Það úir og grúir af skemmtilegum og smellnum hugmyndum í stílfærðum leik hópsins. María Kristjánsdóttir / Morgunblaðið

Höfundur verksins, Coline Serreau, verður viðstödd sýninguna laugardagskvöldið 30. október, og tekur þátt í umræðum að sýningu lokinni. Léttar veitingar í boið Franska sendiráðsins. Coline Serreau er leikkona, rithöfundur og leikstjóri, líklega frægust fyrir kvikmynd sína "Trois hommes et un couffin."

Félagsmönnum Alliance Francaise býðst, af þessu tilefni, að kaupa leikhúsmiðann þetta kvöld á 2.100 krónur (í stað 2.700).

Framvísið félagsskírteinum í miðasölu og fáið afsláttinn. Hver félagsmaður fær 1 miða á þessu verði.

Héri Hérason er ekki barnaleikrit. HINS VEGAR er alveg gráupplagt fyrir foreldra að nýta sér það að börn 12 ára og yngri fá frítt í leikhúsið á almennar fullorðinssýningar í Borgarleikhúsinu - og börnin munu ekki skemmta sér síður en þeir fullorðnu á þessari sýningu.

Það er Oddný Eir Ævarsdóttir sem þýddi Héra Hérason úr frönsku. Tólf leikarar taka þátt í sýningunni, það er Bergur Þór Ingólfsson sem fer með titilhlutverkið og Hanna María Karlsdóttir leikur mömmuna. Aðrir leikarar eru: Edda Björg Eyjólfsdóttir, Björn Ingi Hilmarsson, Gunnar Hansson, Halldór Gylfason, Halldóra Geirharðsdóttir, Katla Margrét Þorgeirsdóttir, Marta Nordal, Margrét Helga Jóhannsdóttir, Sveinn Geirsson og Theodór Júlíusson.

Lýsing: Halldór Örn Óskarsson. Hljóðmynd er í höndum Davíðs Þórs Jónssonar og Helga Svavars Helgasonar, búninga hannar Jón Sæmundur Auðarson, leikmynd Börkur Jónsson og leikstjóri er Stefán Jónsson.

Nánari upplýsingar um sýninguna og höfundinn fást á heimasíðu leikhússins, www.borgarleikhus.is

nóvember 2004

Kvikmyndaklúbbur Alliance française-Filmundur sýnir "Hinir leyndu töfrar borgarastéttarinnar” eftir Luis Buñuel (1972) Aðalhlutverk: Stéphane Audran, Jean-Pierre Cassel, Paul Frankeur, Fernando Rey, Delphine Seyrig. Algjör klassík eftir spænska meistarann Luis Buñuel . Thévenot fjölskyldan kemur í kvöldmat hjá Sénéchal fjölskyldunni . Óvænt uppákoma : Matarboðið var fyrirhugað daginn eftir. Myndin er kaldhæðnisleg, fyndin og sýnir tvöföldu borgarastétt enga samúðar . Mynd í dæmigerðum stíl Luis Buñuel, " Hinir leyndu töfrar borgararstéttarinnar"er súrrealísk ádeila á þjóðfélagsgildin. Buñuel sýnir á súrrealískan hátt kvöldmáltíð sem mun aldrei eiga sér stað. Nokkrir vel stæðir vinir hyggjast hittast og eyða kvöldinu saman. Upphaflega virðist sem þeim hafi skjátlast og komið í boðið á röngum degi en undarlegustu atvik gerast og þar kemur að þau eru trufluð af her á heræfingu. Seinna komast þau að því að þau eru bara persónur í leikriti sem geta ekki borðað kvöldverð saman. Öll þessi ævintýri eru tvinnuð saman með táknrænum draumum þessara persóna. Hárfín þjóðfélagsádeila og ein af fyndnustu myndum Buñuel. Vann til verðlauna sem besta erlenda myndin 1972 . Academy Award Best foreign film 1972 Myndin verður sýnd í Háskólabíói, fimmtudaginn 11.11 kl. 22.15, sunnudaginn 14.11 kl. 18.00 og mánudaginn 15.11. kl. 20.00. Hún er með enskum texta. Aðgangur er ókeypis fyrir meðlimi í Alliance française sem sýna félagsskírteini og persónuskilríki við innganginn.

Alliance française í Reykjavík býður upp á nýjung frá 27. nóvember að hafa sögustund á frönsku fyrir ungu kynslóðina. Sögustundin verður í höndum sögumannsins Antoine Mouton, sem mun lesa frönsk ævintýri fyrir börnin. Börnin sem taka þátt verða að vera í fylgd fullorðinna. Sögustundin verður á laugardögum frá 12.15 til 12.45 í húsakynnum Alliance française á Tryggvagötu 8, 2. hæð.

desember 2004

Alliance française og Háskólabíó er það ánægja að bjóða ykkur á opnun sakamálamyndahátíðar í Háskólabíó, fimmtudaginn 25. nóvember kl. 20:15.
Sýnd verður kvikmyndin Le Poulpe (Kolkrabbinn) eftir Guillaume Nicloux. Myndin er á frönsku með enskum texta.

"Sakamálamynd” hefur að geyma mismunandi tegundir kvikmynda s.s. lögreglumyndir, þjóðfélagsádeilu og listrænar myndir. Þetta flókna myndform hefur höfðað til franskra kvikmyndaleikstjóra allar götur síðan kvikmyndalistin kom fram á sjónarsviðið (með t.d. Feuillade, l’Herbier, Tourneur...) fram til ársins 2000. Erlendir kvikmyndaáhorfendur virðast samt sem áður tengja heim franskra sakamálamynda einna helst við 7. og 8. áratuginn.
Þess vegna vill Alliance française í Reykjavík kynna þær sakamálamyndir sem gerðar hafa verið á undanförnum 20 árum. Þær eru ekki sögulegt yfirlit heldur sýna þær hversu sterk sakamálahefðin er og einnig stórkostlega endurnýjun hennar síðastliðin tvö ár.

Kvikmyndahátiðin stendur frá 25. nóvember til 10. desember. Allar myndirnar eru með enskum texta.
Tilboð: Einn miði á 700 krónur og passi allar 8 myndirnar 2200 krónur.

Hinn árlegi jólakvöldverður Alliance française verður haldinn föstudaginn 3. desember kl. 20. Matreiðslumeistarinn François Louis Fons mun sjá um eldamennskuna og á boðstólum verða hefðbundnir franskir réttir.
Skráið ykkur sem fyrst því oft komast færri að en vilja!
Verð: 3700 kr. á mann (Leyfilegt er að taka með sér vín).

Hinn heimsfræka franska arkitekt Jean Nouvel þarft vart að kynna, en meðal verka hans eru Institute Monde Arabe og Cartier Foundation í Paris, óperuhúsið í Lyon, menningarhús í Lucerne og dómshús í Nantes. Fyrirlesturinn sem verður haldinn í Öskju föstudaginn 3. desember, náttúrufræðahúsi HÍ, hefst kl.17.00.

Alliance française er það ánægja að bjóða þér á opnun sýningar á málverkum eftir Marie-Sandrine Bejanninn laugardaginn 4. desember kl. 14:30 í húsnæði Alliance française í Tryggvagötu 8. Sýningin er frá 3. til 20. desember.
Opið mánudag til föstudags 13.30-18.00 og 13.00-17.00 laugar- og sunnudaga.

Miðvikudaginn 8. desember kl.20 verður bókmenntakvöld í Alliance francaise, þar sem Þórarinn Eldjárn les upp úr nýrri skáldsögu sinni, Baróninum, og síðan ræðir Friðrik Rafnsson, bókmenntafræðingur og þýðandi, við Þórarin um verkið og tengsl þess við Frakkland og franska menningu. Bókmenntakvöldið verður haldið í húsakynnum Alliance française, Tryggvagötu 8 / 2.hæð. Aðgangur er ókeypis og öllum heimill meðan húsrúm leyfir. Fyrirlesturinn og spjallið fara fram á íslensku

janúar 2005

Gítar- Jazz tónleikar ókeypis á Nasa fimmtudaginn 13. janúar kl. 20:30 : Framkoma Sylvain Luc og Björn Thoroddssen

Sylvain Luc, er vel þekkt nafn í jazz heiminum sem mun spila með Birni Thoroddsen á einstökum ókeypis tónleikum í boði Alliance française og Tónastöðvarinnar fimmtudaginn 13. janúar kl. 20:30 á Nasa. Sylvain Luc er á meðal bestu gítarleika heims, hann hefur hlotið fjölda alþjóðlegra viðurkenninga og hefur meðal annars komið fram með eftirtöldum hljómlistamönnum Bireli Lagrène , Elvin Jones, Steve luthaker,...o.sv.fr.

Alliance française tilkynnir hér með að frönsk kvikmyndahátíð byrjar föstudaginn 14. janúar og mun ljúkar þann 31. janúar n.k ( verður hugsanlega framlengd).

Níu kvikmyndir verða sýndar:

ATH:Takmarkað magn boðsmiðar fyrir meðlimi Af á opnunarsýninguna (hver boðsmiði er fyrir tvo). Opnunarsýningin verður föstudaginn 14. janúar kl. 19:30 í Háskólabíó. Myndin sem sýnd verður "Un long dimanche de fiançaillesde Jp Jeunet" ( með íslenskum texta ) Hafið sem fyrst samband við okkur !
Hægt verður að kaupa sérstakan kvikmyndapassa fyrir meðlimi Alliance française fyrir einungis 2500 ISK á allar 9 myndirnar.

FRANSKUR NÝSIRKUS : HREYFA EKKI HREYFA " BOUGEZ PAS BOUGER "

OKI HAIKU DAN flokkurinn, Fjölleikahús í leikhúsinu, leiklist í fjölleikahúsinu:

Annar kastar hlutum í loft upp og dansar, hinn dansar og flýgur.
Á miðju sviðinu sveiflast svifróla og þar eru einnig tveir ávalir líkamar.
HREYFA EKKI HREYFA er sýning þar sem unnið er með líkamshreyfingar innan hárnákvæmra forma, þetta er einlæg sýning fyrir alla fjölskylduna þar sem fimleikum, leikjum með hluti, látbragðsleik, leiklist og dansi er blandað saman á nýstárlegan og skemmtilegan hátt.

Leiksýningin kemur hingað í boði Alliance Française í Reykjavik í samstarfi við Borgarleikhúsið.
Aðeins verður ein sýning á verkinu í Reykjavík, laugardagskvöldið 29. janúar kl. 20:00.

Listamennirnir eru:
Sébastien Dault (dansar, sveiflar sér í svifrólu)
Keisuke Kanai (dansar, leikur látbragðsleik, kastar hlutum í loft upp)
Sébastien Dault og Keisuke Kanai tóku þátt í 13. keppni Þjóðlegu fjöllistamiðstöðvarinnar í Chalons en Champagne (unnu að sýningunni Cirk 13 sem Philippe Découflé leikstýrði.)
Sýningar OKI HAIKU DAN flokksins hafa verið settar upp á öllum helstu fjölleikahátíðum heims, svo sem í Róm, Bresica, Porto, o.s. frv. Eftir að hafa gert stuttan stans í Reykjavík leggur flokkurinn upp í einn eina sýningarferðina um heim allan og heldur til Japans, Kamerún, Gabon, Finnlands, Marokkó og Bandaríkjanna.
Miðasalan er hafin í Borgarleikhúsinu, Listabraut 3 og á www.borgarleikhus.is og í midasala@borgarleikhus.is og í síma 568 8000.
Verð kr. 2.100 (Price for Alliance française members and students 1500 ISK )
Places are also availaible at the Af office at opening hours ( monday to friday from 13:30 to 18h00/ saturday from 13:00 to 16:00

febrúar 2005

	NoJazz ( franskur elektró-jass ) og Jagúar á Nasa Franska elektró-jazz sveitin NoJazz, skrautfjöður franskrar danstónlistar, verður með venna tónleika á Nasa í boði Alliance Française, föstudaginn 25. febrúar og laugardaginn 26. febrúar. Hin goðsagnakennda íslenska fönkhljómsveit Jagúar kemur fram með NoJazz á báðum tónleikunum. NoJazz er skipuð þeim Philippe Sellam, (saxófón), Guillaume Poncelet, (trompet), Pascal Reva, (slagverk og gítar), Philippa Balatier, (hljómborð), Mickael Chekli, (sample). Þeir félagar eru frábærir hljóðfæraleikarar og eru jafnvígir á jass, hip-hop, fönk og jungle. Óhætt er að mæla með tónlist þeirra fyrir forvitin eyru!
NoJazz gaf út sinn fyrsta disk árið 2002 eftir að hafa einbeitt sér lengi að tónleikahaldi. Þessi fyrsta plata var pródúseruð af Teo Macero sem m.a. hefur unnið með Miles Davis. Árið 2004 kom svo plata númer tvö: Nolimits Mixes & Combinations, sem inniheldur endurhljómblandanir með Earth, Wind and Fire, Claude Nougaro, Ibizarre, Mangu, Wally Badarou og fleirum. Eftir að hafa sigrað frönsku tónlistarsenuna hóf NoJazz útrás sína með tónleikum víðsvegar um heim og hefur nú unnið hjörtu tónlistarunnenda í yfir 20 löndum (sem dæmi má nefna að í Montreal komu 10.000 áhorfendur á tónleika þeirra). Strákarnir í NoJazz eru dáðir jafnt af tónlistarunnendum sem gagnrýnendum og nú gera þeir sig líklega til þess að sigra íslensku tónlistarsenuna. Það má því enginn missa af þessum einstæðu tónleikum!!!
	NOJAZZ og JAGÚAR föstudaginn 25. febrúar og laugardaginn 26. febrúar. kl.23.00 á NasaForsala 700 kr í Nasa og í Alliance française opið alla virka daga kl. 13.30 til kl. 18 og laugardaga kl. 13 til kl. 16 Nánari upplýsingar: http://www.nojazz.net http://www.nojazz.de http://www.enzoproductions.com/english_biographienojazz.htm http://www.jaguar.is NoJazz er ein af þremur erlendum hljómsveitum sem Up Music/Warner Brothers halda hvað mest á lofti.

mars 2005

Electroflamenco tónleikar á Nasa lau. 12. mars kl. 17
Aðgangur ókeypis

Von Magnet Electroflamenco halda tónleika laugardaginn 12. mars á NASA í Reykjavik.Von Magnet var stofnuð í London árið 1985 og er undir miklum áhrifum frá Phil Von. Hljómsveitin er afsprengi síð "industrial" hreyfingarinnar og hefur aðallega komið fram á neðanjarðarsviði Lundúnaborgar. Þeir túlka ólíka rytþma og tjáningu Flamingotónlistar. Það má segja að þeir hafi komist í kynni við Flamincotónlistina í gegnum listamenn af eins ólíkum sviðum sem leiklist og myndlist. "El sexo sur realista" segir að hér sé um að ræða blöndu af rafrænni tónlist, leiklist, videóinnsetningu og auðvitað Flamenco. Þannig má segja að þetta sé ný tónlistarstefna...

Fyrstu plöturnar voru gerðar undir stjórn Ken Thomas (sem er framleiðandi Sigur Rós) Von Magnet sem líkist götuleikhúsi hefur á undanförnum árum lagt land undir fót og sýnt hátt í 400 sýningar.

Þann 12. mars leikur Von Magnet hér á landi, en sveitina skipa Phil Von (dans, trommur, tölvur, rödd), Flore Magnet ( söngvar, videó, sviðslist, leiklist), Yana Maizel (dans), Sabine Van Den Oever (flamenco-gítar) og Nikho Def, hljóðmaður. Von Magnet kemur til Íslands til að halda eina tónleika á Nasa laugardaginn 12. mars kl. 17 (ókeypis aðgangur) Tilefnið er útgáfa 10. plötu þeirra, "De l'aimant". Þetta er einstaklega heillandi tónlist, blanda af rafrænni tónlist og þjóðlagatónlist og eru allir áhugamenn hvattir til að mæta og láta ekki þennan einstaka atburð ekki framhjá sér fara.

Electroflamenco tónleikar á Nasa lau. 12. mars kl. 17
ókeypis aðgangur
Nánari upplýsingar:
http://www.vonmag.net
http://www.nasa.is
Biography
Chronology
Press

apríl 2005

Sígaunajazz : Elios og Boulou Ferré á tónleikum í Reykjavík laugardaginn 2. apríl 2005 á Nasa kl.17.00
Aðgangur ókeypis

Alliance française býður á tónleika með Elios og Boulou Ferré, þekktum jazztónlistarmönnum á Nasa laugardaginn 2 apríl kl. 17.00
“Sígaunatónlist” nær engan veginn að lýsa tónlist Boulou og Elios Ferré. Sú tónlist er þeim þó í blóð borin því faðir þeirra, Matelot Ferré spilaði með Django Reinhardt, sem og frændur þeirra Baro og Sarane. Sígaunajazzinn er þeim því hugleikinn en þeim hefur tekist að blanda honum við aðra tónlist og skapa sér þannig eigin stíl.

“Emancipated heirs of Django Reinhardt, guitarists Boulou & Elios Ferré distill the quintessence of a pluralistic music, connecting, as if by magic, seemingly distant sonorous universes.”
Richard Robert, Les Inrockuptibles - Febrúar 2004

Boulou lærði á gítar af föður sínum frá sex ára aldri og snéri sér svo að klassískum gítarleik sem hann lærði hjá Francisco Gil auk þessa lagði hann stund á hljómfræði og tónsmíðar hjá Olivier Messiaen. Hann hefur spilað með mörgum þekktum tónlistarmönnum s.s. Dexter Gordon, Dizzy Gillespie, Kenny Clarke, Chet Baker, Steve Lacy, Stéphane Grapelli, Babik Reinhardt og Christian Escoudé. Í tónsmíðum hans, útsetningum og gítarleik má merkja áhrif jafn ólíkum listamönnum og Bach, Léonard Bernstein, Lennie Tristano, Miles Davis og Lee Konitz.

Elios lærði einnig á gítar hjá föður sínum og svo flamencogítarleik hjá einum af nánustu samstarfsmönnum Carlos Montoya. Hann lærði hljómfræði og tónsmíðar hjá Pierre Lantier og féll svo fyrir Jimi Hendrix. Hann hefur spilað með Larry Coryell, Ed Thigpen, Al Levitt og Svend Asmussen. Árið 1974 gekk hann til liðs við bróður sinn í “Corporation Gypsy Orchestra” sem vakti athygli Frank Zappa og Carlos Santana.

Þessi tvö undrabörn sem eru nú orðin þroskaðir tónlistarmenn hafa spilað tveir saman síðan 1978. Diskurinn þeirra “Pour Django” var hrósað af Barney Kessel og Chet Baker. Bræðurnir hafa leikið á fjölda tónleika um allan heim. Á síðasta diski sínum “Shades of a dream” sem kom út á síðasta ári bræða þeir sígaunajazzinn saman við barokk og aðra tónlistarstrauma.

Þessu einstæðu tónleikar eru ókeypis og öllum opnir. Aðdáendur Django Reinhardts verða ekki sviknir og líklegt er að Ferrébræðurnir opni mörgum nýja sýn á sígaunajazzinn.

Sígaunajazz : Elios og Boulou Ferré á tónleikum í Reykjavík laugardaginn 2. apríl 2005 á Nasa kl.17.00
Nánari upplýsingar um Boulou og Elios Ferré:

Biography

http://www.boulou-elios-ferre.com/
http://www.djangofest.com/nw/ferre.htm
http://www.abeilleinfo.com/chronique.php?id_chro=1239&langue=fr
http://www.citizenjazz.com/article3456601.html

Blandine Kriegel, stjórnmálaheimspekingur verður einn af aðalfyrirlesurum á þingi sem haldið verður frú Vigdísi Finnbogadóttur til heiðurs í vikunni. Fimmtudaginn 14. apríl kl. 17.15 flytur hún flytja í hátíðarsal Háskóla Íslands um stefnu Frakka í trúmálum undir yfirskriftinni:

Trúlaus opinber vettvangur og aðlögun menningarhópa í Frakklandi

Í fyrirlestri sínum mun hún fjalla um lög sem sett hafa verið nýlega og banna börnum að ganga með áberandi trúartákn í skólum ríkisins. Lög þessi voru sett fyrir fáum misserum til að leysa áralangar deilur sem staðið höfðu vegna þess að sumir skólastjórnendur vildu banna stúlkum úr röðum múslíma að bera slæðu sem hylur hár þeirra. Þau vöktu neikvæð viðbrögð víða. Samkvæmt frú Kriegel hafa lögin hafa virkað vel og ekki er annað að sjá en að friður ríki um þau nú. Ástæðuna fyrir þessu er að leita í hinu illþýðanlega franska hugtaki „laïcité“ (e. „secularity“). Með því er átt við að til sé eitthvert opinbert rými, sem allir eiga jafnan aðgang að og þar sem allir eigi sama rétt. Rými þetta liggur utan við trúna og þangað á trúin ekki erindi. Þetta á t.d. við um skóla. Franska ríkið er „laïc“, þ.e. að það gerir sér far um að tengja sig ekki við neina trú, enda sé hún einkamál hvers og eins.
Enginn sem áhuga hefur á sambúð fólks af ólíkum menningaruppruna en einnig á sambúð ríkis og trúfélaga má láta fyrirlestur Blandine Kriegel nk. fimmtudag fara framhjá sér.

Blandine Kriegel á að baki merkan fræðimannsferil, var m.a. nemandi og um langt árabil einn helsti samstarfsmaður Michel Foucault. Í ritum sínum hefur hún m.a. sett fram mikilvægar hugmyndir um sögu og hlutverk ríkisvaldsins, m.a. í bókunum Ríkið og þrælarnir og Heimspeki lýðveldisins. Síðustu ár hefur hún einnig starfað sem sérstakur ráðgjafi Jacques Chirac Frakklandsforseta í málefnum innflytjenda og er formaður Haut conseil de l’intégration, ráðgjafanefndar frönsku ríkisstjórnarinnar um aðlögun fólks af erlendum uppruna að frönsku samfélagi.

Sama kvöld, 14. apríl, kl. 20.30, heldur hún annan fyrirlestur um læriföður sinn Michel Foucault í húsakynnum Alliance française, 0Tryggvagötu 8.

Báðir fyrirlestrarnir verða á frönsku en enskri þýðingu verður dreift til áheyrenda, auk þess sem spurningar og umræður verða túlkaðar jafnóðum á íslensku.

Aðgangur er ókeypis og allir eru velkomnir.

Biography of Blandine Kriegel

maí 2005

Nýtt heimilisfang: Tryggvagata 8, sími: 552-3870. Fax: 562-3820.

Historique:
<sept 2003 - mai 2004 | sept 2002 - mai 2003 | sept 2001 - mai 2002 | jan - mai 2000 | oct - déc 1999 >