Frönsk kvikmyndahátíð
14. - 31. janúar 2005
í Háskólabíó

Sýningartímar mynda frá 28. - 31. janúar verða auglýstir nánar í bíóauglýsingum dagblaðanna.

Son frère (2003) 95’ / Bróðirinn Leikstjóri : Patrice Chéreau Aðalhluverk : Bruno Todeschini, Eric Caravaca, Maurice Garrel. Tegund myndar: Drama Enskur texti

Thomas veikist af ólæknandi blóðsjúkdómi. Skelfingu lostinn kemur hann við hjá bróður sínum Luc sem hann hefur ekki séð lengi og skýrir honum frá veikindum sínum. Þegar að veikindi Thomas ágerast fyllast þeir báðir örvæntingu og ekkert annað kemst að. Thomas virðist loks fá áhuga á lífi Luc sem er samkynhneigður. Claire, kærasta Thomas fjarlægist hann smátt og smátt. Að lokum eyða bræðurnir öllum stundum saman og rifja upp bernskuminningar.

Mari Jo et ses deux amours (2002) 124’ / Marie-Jo og ástirnar tvær Leikstjóri : Robert Guédiguian Aðalhluverk : Ariane Ascaride, Jean-Pierre Darroussin, Gérard Meylan. Tegund myndar: Rómantískt drama Enskur texti

Dag einn í lautarferð reynir Marie-Jo að svifta sig lífi. Hún elskar Daniel, eiginmann sinn út af lífinu en finnur fyrir sömu ástríðu í garð Marcos, ástmanns síns. En það er ekki hægt að elska tvær persónur í einu...
Kvikmyndahátíðin í Cannes 2002.

Le coeur des hommes (2003) 107’ / Hjartans mál Leikstjóri : Marc Esposito Aðalhluverk : Gérard Darmon, Jean-Pierre Darroussin, Bernard Campan Tegund myndar: Dramatísk gamanmynd Enskur texti

Alex, Antoine, Jeff og Manu eru vinir sem allir standa á tímamótum í lífinu. Þeir hittast reglulega til þess að spjalla saman, rífast eða hlæja. Þeir eru af fátækum fjölskyldum en hafa komist áfram í lífinu, hver á sínu sviði. Röð atburða verður til þess að tengja þá enn sterkari böndum og frammi fyrir aðstæðum sem þeir ráða ekki við, létta þeir á hjarta sínu. Helsta vandamál þeirra eru samskiptin við hitt kynið og þau eru líka aðal umræðuefnið og deilumál.

A la petite semaine (2003) 100’ / Frá degi til dags Leikstjóri : Sam Karmann Aðalhluverk : Gérard Lanvin, Jacques Gamblin, Clovis Cornillac Tegund myndar: Dramatísk gamanmynd Enskur texti

Eftir 5 ára fangelsisvist eyðir Jacques fyrstu vikunni sinni sem frjáls maður í félagsskap gamalla kunningja í Saint-Ouen í útjaðri Parísar. Þessi mynd lýsir daglegu lífi smákrimma og er laus við allar klisjur um undirheimana. Handritshöfundurinn Désir Carré sækir efniviðinn í eigin reynslu og lýsir sálarlífi smákrimma á sextugsaldri sem er enn einu sinni sloppin út úr fangelsi og ákveður að breyta lífi sínu. Sjálfur ákvað Désir Carré, eftir fjórar fangavistir að læra leiklist og hóf að rita handritið að þessari mynd. Hann leikur hlutverk La Trompette í myndinni

Filles uniques (2003) 85’ / Einkadætur Leikstjóri :Pierre Jolivet Aðalhluverk : Kiberlain, Sylvie Testud Tegund myndar: Dramatísk gamanmynd Enskur texti

Carole, rannsóknardómari er svolítið stíf. Líf hennar snýst um vinnuna og eiginmanninn, Bruno. Tina er óforbetranlegur þjófur sem á að baki 2 mánaða fangavist, er langt frá því að vera stíf og hún elskar skó. Þessar tvær konur hittast í dómshúsinu og verða óaðskiljanlegar. Kannski vegna þess að þær eru báðar einkadætur og þær sjá í hinni þá systur sem þær hefðu viljað eiga.

Le convoyeur (2004) 95’ / Peningabíllinn Leikstjóri: Nicolas Boukhrief Aðalhluverk : Albert Dupontel, Jean Dujardin, François Berléand Tegund myndar: Spennumynd Enskur texti

Peningaflutningafyrirtæki er í miklum vandræðum. Þrír peningabílar þess hafa verið rændir á árinu. Allir starfsmenn voru drepnir á hroðalegan hátt. Grunur er á að maður sem vinnur hjá fyrirtækinu tengist þjófunum.. Myndin segir frá Alexander sem ræður sig til starfa hjá fyrirtækinu. Hver er hann og hver er tilgangur hans með að ráða sig hjá þessu fyrirtæki?
Spenna og hraði frá upphafi til enda.

Les choristes (2004) 95’ / Kórinn Leikstjóri: Christophe Barratier Aðalhluverk : Albert Gérard Jugnot, François Berléand, Jacques Perrin Tegund myndar: Gamanmynd Íslenskur texti

Myndin “Les Choristes” er framlag Frakka fyrir Óskarinn og mun hún vera fulltrúi í flokknum sem besta erlenda mynd ársins.
Saga myndarinnar gerist árið 1948 og fjallar um atvinnulausan tónlistarkennara sem fær vinnu við heimavistarskóla þar sem harður agi og
harðræði ríkir. Hinn nýráðni kennari, Clément Matthieu getur engan vegin sætt sig við þetta harðfylgi sem ríkir á heimavistinni, þannig að hann ákveður að safna saman nemendum og kynna fyrir þeim mátt og fegurð tónlistarinnar. Fyrr en varir tekst honum að skapa jákvæðara andrúmsloft í skólanum með uppbyggjandi tónlistarkennslu. En þar með er ekki allur sigur unninn þar sem skólastjórinn, Rachin er á móti allri nýbreytni og nýjum jákvæðum straumum.

Un long dimanche de fiancailles (2004) 134’ / Langa trúlofunin Leikstjóri: Jean-Pierre Jeunet Aðalhluverk : Audrey Tautou, Gaspard Ulliel, Albert Dupontel Tegund myndar: Drama, Strið, Söguleg Íslenkur texti

Það vekur alltaf eftirtekt þegar Jean-Pierre Jeunet gerir nýja kvikmynd.
Mikil tilhlökkun hefur líka verið eftir þessari kvikmynd enda eru þrjú ár síðan að Jean-Pierre Jeunet gerði “Amelie” en hún sigraði heimsbyggð alla á eftirminnilegan hátt.
Myndin er byggð á samnefndri metsölubók eftir Sebastien Japrisot sem út kom út í Frakklandi 1994.
Audrey Tautou fer með aðalhlutverkið í þessari mynd rétt eins og í “Amelie”
Audrey fer með hlutverk ungrar baráttukonu, Mathilde sem leitar að unnasta sínum í lok fyrra heimsstríðs en meðan á stríðinu stóð var hann dæmdur fyrir herréttardómstól. Mathilde leggur allt í sölurnar og hefur hún eldmóðinn, vonina og ástina að vopni enda staðráðin að endurheimta ást lífs sins.
Myndin hefur fengið lofsamlega dóma og þykir Jean-Pierre Jeunet hafa tekist einstaklega vel að sýna stríðshryllinginn á raunsæjan hátt.
Hér er á ferðinni ein dýrasta kvikmynd Frakka. Og síðast en ekki síst hefur leikstjóranum tekist frábærlega vel að endurskapa og fanga tíðaranda þessa tímabils sem sagan gerist í.

Tais toi (2003) 85’ / Ruby & Quentin (grjóthaltu kj...) Leikstjóri: Francis Veber Aðalhluverk : Jean Reno, Gérard Depardieu Tegund myndar: Gamanmynd Íslenskur texti

Titilpersónurnar eru gjörólíkir afbrotamenn sem verða fyrir gráglettni örlaganna, klefafélagar í rammgirtu fangelsi. Ruby (Réno), er gallharður nagli sem rænir eiginkonu sinni og bílfarmi af seðlum frá glæpaforingjanum Vogel (Jean-Pierre Malo), og einfeldningurinn Quentin (Depardieu), sem situr af sér litlar sem engar sakir. Quentin er geðgóður kjaftaskur sem gerir allt til að ná vináttu einfarans Ruby, sem vill ekkert með flónið hafa en hugsar um það eitt að hefna konu sinnar sem Vogel myrti, og koma höndum að nýju yfir ránsfenginn.