Franska "à la carte" í Alliance Française:

Næstu námskeið byrja 18. janúar 2010.

Skráning í síma 552-3870 eða alliance@af.is

Hægt er að skrá sig á námskeið.  

Hefurðu einhvern tímann lært eitthvað í frönsku? Pantaðu þá tíma hjá okkur í ókeypis ráðgjöf til að vita nákvæmlega hvaða námskeið hentar þér.

Stúdentar og atvinnulausir fá 10% afslátt af námskeiðsgjaldi. Námskeiðsgjaldið er jafnframt félagsgjald eitt ár hjá Alliance Française. Hægt er að fá lánaðar bækur, DVD-myndir og geisladiska, auk þess að taka þátt í öllum viðburðum okkar.

Alliance Française býður upp á frönskunámskeið fyrir alla aldurshópa, allt frá byrjendum til þeirra sem lengra eru komnir og vilja bæta við sig. Kennararnir eru franskir og íslenskir, allir með réttindi og áralanga reynslu af því að kenna frönsku hérlendis. Sá (eða sú) sem lærir frönsku í Alliance Française kemst í beint og milliliðalaust samband við franska tungu og menningu, því allir sem læra frönsku hjá okkur eru um leið meðlimir í Alliance Française og hafa aðgang að ýmsum viðburðum sem skipulagðir eru á vegum félagsins í hverjum mánuði.

1/ Almenn frönskunámskeið: Fyrir alla, jafnt byrjendur og þá sem eru með grunnþekkingu eða meira í frönsku.

Við fylgjum Evrópustöðlum um kennslu í erlendum tungumálum, en þar er tungumálakennslu skipt niður í þessi 6 stig:

1. A1: fyrstu kynni af tungumálinu, uppgötvun.
2. A2: getur bjargað sér í flestum daglegum aðstæðum.
3. B1: sjálfbjarga á tungumálinu.
4. B2: lengra kominn.
5. C1: talar reiprennandi.
6. C2: tvítyngdur.

Námskeiðin okkar fylgja þessum stigum, F1 (Français 1) er fyrri helmingur A1, F2 er seinni helmingurinn af A1, F3 og F4 ná yfir A2 o.s.frv. Hvert námskeið varir í 13 vikur, kennt er tvö kvöld í viku, 90 mínútur í hvert skipti, samtals 39 klukkustundir. Kennsluefnið sem við notum heitir Reflets, en það byggir á kennslubók, verkefnabók og mynd- og hljóðefni.

Í lok námskeiðsins tekur þú DELF (diplôme d?études en langue française) próf, sem er opinbert próf franska Menntamálaráðuneytins til staðfestingar á frönskukunnáttu. DELF prófið er alþjóðlega viðurkennt próf, bæði á vinnumarkaði og fyrir háskólanám í Frakklandi eða öðru landi þar sem franska er töluð (Belgía, Kanada, Sviss, o.s.frv...)

Alliance Française í Reykjavík er eini staðurinn á Íslandi sem hefur umboð fyrir DELF prófið.

Síðan þessi próf voru sett á laggirnar árið 1985, hafa yfir 3.000.000 manns í meira en 150 löndum tekið DELF prófin.

Frekari upplýsingar um DELF prófin, er að finna á heimasíðu CIEP : www.ciep.fr (á frönsku og ensku).

Námskeiðin okkar hjá AF	Samsvarandi Evrópustaðall	Lengd	Próf
F1	A1 fyrri hluti	39 klst	námsmat Alliance Française
F2	A1 seinni hluti	39 klst	DELF A1
F3	A2 fyrri hluti	39 klst	námsmat Alliance Française
F4	A2 seinni hluti	39 klst	DELF A2
F5	B1 fyrri hluti	39 klst	námsmat Alliance Française
F6	B1 seinni hluti	39 klst	DELF B1

Til að taka dæmi, eftir að hafa lokið F1 námskeiði, hefur þú náð nægri þekkingu í frönsku til að:

- tala um sjálfa(n) þig á einfaldan hátt, 
- hafa einföld samskipti við aðra: heilsa, kveðja o.þ.h.
- samþykkja eða afþakka eitthvað,
- biðja um aðstoð, útskýringar,
- fá einfaldar upplýsingar
- fylla út eyðublöð, skráningarblöð ...
- kaupa í matinn, 
- panta á veitingastað,
- skilja og taka þátt í einföldum aðstæðum í daglegu lífi.

Næstu námskeið: 18. janúar til 15. apríl 2010.

Stundatafla:

Á mánudags- og miðvikudagskvöldum:

F1:
Hópur 1: 18.15-19.45

F2: 20.00-21.30 - Fullt

F3: 20.00-21.30 - Fullt

F4: 18.15-19.45

F5: 20.00-21.30 - Fullt

F6: 18.15-19.45

Á þriðjudags- og fimmtudagskvöldum:

F1
Hópur 2: 18.15-19.45 - Fullt
Hópur 3: 20.00-21.30 - Fullt

2/ Samtalsnámskeið: Fyrir þá sem tala svolítið í frönsku og langar til að æfa sig við notalegar aðstæður! Spjallaðu á frönsku yfir kaffibolla um eitthvað í daglegu lífi, út frá texta, bíómynd, hlutverkaleik... Hvert námskeið varir í 13 vikur, samtals 26 kennslustundir.

Næsta námskeið byrjar 28. janúar 2010.
Kennt á fimmtudagskvöldum annað hvort kl. 18.15-19.45 eða kl.  20.00-21.30. Fullt

3/ Einkatímar: sendu okkur línu á alliance@af.is eða hringdu í síma 552 3870 og pantaðu tíma hjá okkur til að fá ráðleggingar.

4/ Námskeið fyrir börn: Hópur 4 til 6 ára barna heitir "Tumi þumall" og hópur 6 til 9 ára heitir "Júníor klúbburinn". Hvert námskeið varir í 13 vikur, samtals 26 kennslustundir. Börnin læra frönsku í gegnum leik: hlutverkaleiki, söng, leikbrúður, bíómyndir... Elsti hópurinn, frá 9-13 ára, læra líka frönsku á skemmtilegan hátt: í gegnum tónlist, bíómyndir, leikrit...

Við bjóðum bæði upp á námskeið fyrir börn sem hafa aldrei lært frönsku og líka þau sem tala frönsku. Frístundakortið gildir hjá Alliance Française.

Næsta námskeið byrjar 27. janúar

- Námskeið fyrir frönskumælandi börn, 5-7 ára: fimmtudaga kl. 16.00-17.30.

- Námskeið fyrir byrjendur:
Fyrir 4-6 ára börn, laugardaga kl. 10.00-11.00.
Fyrir 9-13 ára börn, laugardaga kl. 11.00-12.30.

Kennari barnanna er frönsk-íslensk. Börnin læra tungumálið um leið og þau vinna ákveðið verkefni og finnst þar af leiðandi þau ekki vera að læra á sama hátt og í skólanum. Þess vegna býður Alliance Française í Reykjavík börnum frá unga aldri að kynnast franskri tungu og menningu á sama hátt og þau læra móðurmálið. Í hverri kennslustund er unnið með afmarkað verkefni sem leiðir til kennslu fyrirfram ákveðinna atriða, t.d. á aðventunni skreyta börnin jólatré með kennaranum sínum, sem nýtir þetta tækifæri til að kenna þeim litina, form hluta, staðsetningu (uppi, niðri, hægri vinstri o.s.frv.) á frönsku. Annað dæmi er "Le petit café de l'Alliance" þegar börnin buðu foreldrum sínum á "kaffihús" og lærðu um leið að taka á móti fólki á frönsku, taka við pöntun og að biðja um það sem vantaði.
Verkefni hvers hóps eru að sjálfsögðu mismunandi og henta aldri barnanna í hverjum hópi.
Í lok námskeiðsins, hafa börnin náð getustigi A1.1 samkvæmt Evrópustöðlum um tungumálakennslu.