Frönsk kvikmyndahátíð í Háskólabíói

Undrun og skjálfti
Stupeur et tremblements

Leikstjóri Alain Corneau, 2003. 107 mín.
 
Gamanmynd eftir Alain Corneau sem hlotið hefur mörg alþjóðleg verðlaun. Myndin er byggð á metsölubók Amélie Nothomb sem komið hefur út í íslenskri þýðingu Guðrúnar Vilmundarsdóttur Amélie, ung frönsk kona af japönskum ættum snýr aftur til Japan, þar sem hún upplifir hið margslungna og stundum yfirmáta skipulagða og flókna samfélag. Hún á erfitt með að sætta sig við það en að lokum tekst henni að sigrast og snúa hlutunum sér í hag
 
Informations/artwork : http://www.wild-bunch.com
 

Le peuple migrateur

Að vera og hafa
Être et avoir

Heimildamynd
Leikstjóri: Nicolas Philibert

Hlaut Césarinn 2003 fyrir bestu klippingu.

Enn finnast í Frakklandi skólar þar sem börn, frá 3ja til 10 ára aldurs, sitja saman í kennslustofu og njóta leiðsagnar eins og sama kennara. Sum eru óframfærin, önnur opin 
en þótt hópurinn sé sundurleitur, deila þau daglegum kjörum í sátt og samlyndi.
Þessi mynd var tekin í einum slíkra skóla í hjarta Auvergne héraðs. 

http://chipsquaw.free.fr/etreetavoir/

Leyndardómar gula herbergisins
Le mystère de la chambre jaune

Leikstjóri Bruno Podalydés, 2003. 118 mín. 
    
 
Frumleg gamansöm spennumynd í anda Agötu Christie. Eftir að tilraun hefur verið gerð til að myrða unga og fallega konu koma blaðamaður, ljósmyndari og rannsókarlögreglumaður til að rannsaka málið.
Myndin var frumsýnd á kvikmyndahátíðinni í Cannes 2003
 
Artwork : www.wildbunch.biz
 

 
Leikstjóri: Cédric Klapisch, 2002 . 122 mín.
Gamansöm mynd um ungt fólk frá ólíkum löndum sem kemur til Barcelona og leigir saman íbúð. Smátt og smátt kynnist það hvert öðru þar sem öllu ægir saman - ólíkum menningarheimum og viðhorfum og sambúðin verður hin skemmtilegasta. Myndin er skrýdd úrvals leikurum, s.s. Audrey Tautou (Amélie Poulain) og Judith Godréche (The Man in the Iron Mask). 
 
Artwork : www.wildbunch.biz
 

Gamanmynd
Leikstjóri Marion Vernoux

Fyrir alla aldurshópa.

Aðalhlutverk: Karin Viard, Hélène Fillières, Victor Lanoux, Jane Birkin

Ágrip.
Suma daga gengur allt á afturfótunum. Á einum sólarhring fá fjórar manneskjur vel útilátinn skammt af slæmum fréttum, áhyggjum og vonbrigðum. Marie Larue er 24ra ára lærlingur í ljósmyndun. Dagurinn hjá henni hefst á jákvæðri niðurstöðu úr þungunarprófi. Síðan rekur hvert ólánið annað. Bifhjólinu hennar er stolið, hún lendir í árekstri og henni er sagt upp. 
Hjá Luis Del Sol, fertugum, góðlátlegum strætisvagnabílstjóra, gerist það að kona hans tilkynnir honum fyrirvaralaust að hún ætli að fara frá honum. Hortense Lasaille, talkennari, 
er 33ja ára, tveggja barna móðir og hefur verið gift Antoine í tíu ár. Hún ákveður að eyða nótt með öðrum manni meðan eiginmaðurinn er í burtu en hún finnur engan rekkjunaut. 
Maurice Degombert sem nálgast sextugsaldurinn, geðstirður, atvinnulaus kokkur, undirbýr kvöldverð við kertaljós fyrir æskuástina sína, Marlène, sem hvarf á braut með öðrum manni fyrir 22 árum.

Fröken
Mademoiselle

Leikstjóri: Philippe Lioret

Kvikmynd fyrir alla aldurshópa

Aðalhlutverk: Sandrine Bonnaire, Jacques Gamblin, Isabelle Candelier, Zinedine Soualem

Ágrip
Claire Canselier, gift, tveggja barna móðir, starfar fyrir lyfjafyrirtæki við að kynna læknum ný lyf. Pierre Cassini kann spuna en er enginn leikari. Með aðstoð tveggja hjálparkokka, Alice og Karim, stjórnar hann námskeiðum fyrir fyrirtæki. Þau hittast á þingi í grennd við Lyon. 
Á einum sólarhring, fyrir röð tilviljana, verða kynni þeirra náin, þau fella hugi saman og upplifa stutt ástarsamband. Er endilega gefið að sú ást eigi sér enga framtíð?

S 21 La machine de mort Khmer
S 21 Drápsvél rauðu Khmeranna

Heimildamynd.
Leikstjóri: Rithy Panh
 
 
S 21 stendur fyrir " Monti Santesok S21 " aðalöryggismálaskrifstofu rauðu Khmeranna í Kambodíu. Þar var um17000 manns haldið föngnum, þeir pyntaðir, yfirheyrðir og síðan teknir af lífi. Þetta átti sér stað á árunum milli 1975 og 1979. Aðeins þrír þessara fanga eru enn á lífi. Í þessari mynd er leitast við að skilja hvað býr að baki tilkomu og kerfisbundinni framkvæmd einnar skelfilegustu hugmyndafræði 20. aldar, hugmyndafræði rauðu Khmeranna.
Í þrjú löng ár leituðu Rithy Panh og samstarfsfólk hans svara meðal þeirra fáu sem komust lífs af en einnig meðal fyrrum böðla sem fóru með þeim á fornar slóðir fangabúða S 21, þar sem nú er safn í minningu þjóðarmorðanna, til þess að rifja upp fyrrum atburði.

Óvinurinn 
L'adversaire 
 
Leikstjóri: Nicole Garcia, 2002. 129 mín.
 
Metaðsóknarmynd sem lætur engan ósnortinn. 
Myndin var í aðalkeppni kvikmyndarhátíðarinnar í Cannes 2002
Þegar maður myrðir konu sína, börn og foreldra er ljóst að rannsóknin beinist að fortíð hans. Daniel Auteuil fékk frönsku César verðlaunin fyrir leik sinn í aðalhlutverk

http://www.ladversaire-lefilm.com

Góða ferð
Bon voyage 
 
Fulltrúi Frakklands til Óskarsverðlauna 2004. Leikstjóri Jean-Paul Rappeneau (Cyrano Bergerac), 114 mín.
 
Hernám Þjóðverja er á næsta leiti. Fyrirmenn þjóðfélagsins í París, stjórnmálamenn, blaðamenn og njósnarar flykkjast í burtu frá París og setjast að á hóteli í Bordeaux.. Ótrúleg blanda af gríni, spennu og drama. Frábærir leikarar, m.a. Isabelle Adiani, Gérard Depardieu, Virgine Ledoyen og Peter Coyote.
 
 
 

Voltaire að kenna
La faute à Voltaire
 
Leikstjóri :Abdel Kechiche
avec Elodie Bouchez, Sami Bouajila, Aure Atika, Bruno Lochet
Jallel, líkt og Birtingur Voltaires, á sér draum um betra líf og flytur til Frakklands til að freista gæfunnar. Þar reikar hann um París gæfuleysingjanna, frá einum til annars, milli gististaða og félagsstofnana. Draumar um frægð og frama verða að engu en í þeirra stað fær hann að kynnast og eiga hlut í þeirri samkennd sem ríkir meðal hinna snauðu.
Myndin hlaut Gullljónið á Kvikmyndahátiðinni í Feneyjum árið 2000, verðlaun sem fyrsta kvikmynd höfundar og verðlaun ungra áhorfenda.
 
Verðlaun dómnemdarinnar í Namur